Mavrovo Open е прв аматерски хуманитарен тениски турнир во Маврово, создаден од волонтерска иницијатива на група пријатели. Во 2025 година, го оживеавме запуштениот тениски терен во Маврови Анови и создадовме настан кој ја поврзува заедницата — со тенис, музика, храна и дружба.
Сите средства од котизациите се наменети за поддршка на локалната заедница. Минатата година ги обновивме просториите на основното училиште во село Маврово — со нов под, обновени ѕидови, клима и училишен инвентар.
Во 2026, продолжуваме понатаму. Стани дел од приказната.
Галерија
Моменти од теренот
Програма
Што нуди Mavrovo Open?
🎾
Тениски натпревари
Аматерска и семи-про група. 3 викенди интензивен тенис на прекрасна локација покрај Мавровското Езеро.
🎵
Музика и забава
DJ сетови во chill зоната, фитнес тренинзи за посетители и активности за деца.
🍽️
Храна и пијалоци
Локални специјалитети, артизански сладолед, smoothie bar и култниот Grandslam коктел.
🚐
Бесплатен превоз
Shuttle bus од ски терените до игралиштето за сите посетители.
🏔️
Природа и рекреација
Пешачки патеки, велосипедизам и поглед кон Мавровското Езеро и планината Бистра.
❤️
Хуманитарна мисија
Сите средства одат за поддршка на локалната заедница и јавните простори во Маврово.
Локација
Тениско игралиште, Маврови Анови
Сместено на јавен простор меѓу шумски патеки, опкружено со зелена природа и поглед кон Мавровското Езеро и планината Бистра.
ЧПП
Често поставувани прашања
Mavrovo Open е спортски и хуманитарен настан кој се одржува во Национален Парк Маврово, на тениското игралиште во Маврови Анови. Настанот комбинира тениски турнир, спортски и рекреативни активности, музичка програма и дружење во природа.
Настанот се одржува во три последователни викенди во септември 2026 година, на тениските терени во близина на Мавровското Езеро.
Секој љубител на тенис – од рекреативци до поискусни играчи. Настанот е отворен за сите полови и возрасни категории.
Турнирот се игра по нокаут систем. Првите мечеви се играат во сабота, победниците продолжуваат во недела, а најдобрите 4 играчи играат четвртфинале на третиот викенд.
Котизацијата е 3.000 денари по учесник. Сите собрани средства се донираат за поддршка на локалната заедница во Маврово.
Да! Покрај тенискиот турнир, има рекреативни активности и забавна програма за деца, фитнес тренинзи, еко-активации и многу повеќе.
Да, има организиран бесплатен shuttle bus превоз до тениските терени.
Биди дел од Mavrovo Open 2026
Без разлика дали сакаш да играш тенис или да бидеш партнер на турнирот — има место за тебе.
Пополни ја формата подолу и стани дел од Mavrovo Open 2026. Котизација: 3.000 ден.
Со пријавата се согласувате да бидете контактирани во врска со турнирот.
Партнерство
Стани партнер
Не само спонзор — туку партнер во приказна за спорт, заедница и хуманост
📢
Видливост пред 2000+ посетители и 1M+ online reach
🏷️
Брендирање на терен, маички и материјали
📸
Медиумска покриеност и социјални мрежи
💚
Директна поддршка за хуманитарната мисија
Контактирај нè
За нас
Група пријатели. Една идеја.
Како волонтерска иницијатива стана најголемиот аматерски тениски настан во регионот.
Нашата приказна
Како започна сè
Mavrovo Open започна во 2025 година како волонтерска иницијатива на група пријатели чии животи се испреплетуваат во Маврово. Нашиот поттик беше едноставен: да го оживееме запуштениот тениски терен во Маврови Анови и да создадеме настан што ќе ја поврзе заедницата.
За да го реализираме турнирот, моравме да преземеме низа чекори: исчистивме дива депонија со механизација, го израмнивме теренот со повеќе од 30 камиони земја, ги поправивме рефлекторите за ноќни натпревари и координиравме со три различни институции.
Турнирот ја носи и нашата најважна цел — хуманост. Сите средства од котизациите се донираат за поддршка на локалната заедница.
